對話

爬上上格牀，鑽進被窩，晴嘆了一口長長的氣，滿足而又悵惘，”天氣咁凍，唔使一早起身返學就好啦．”

”好簡單啫，你話病咗就得嘅．”躺在下格牀的小豪說．

詫異着，沒想好怎麽答腔，晴已說：”哩招試過啦．畀媽咪話．”

”係咩？幾時？”豪大感興趣，追問．

”嗰時讀緊K2，媽咪仲返緊工．有朝，我唔想返學，話畀媽咪聽頭疼．等媽咪出咗門，我起身，打電話畀媽咪，話好好多，起咗身，想睇電視．媽咪仲係地鐵度，唔批准．返到公司又打電話番屋企，話我為咗唔返學可以留係屋企睇電視食零食，講大話詐病，所以罰我嗰日除咗休息或睇圖書外，無得睇電視，無得去會所或公園玩．咁囉．”

”係唔係呀媽咪？”小豪轉過臉來，問．

”係．之後，家姐未再試過詐病唔返學．－－不過，晴晴，估唔到你仲記得哩件事．”

”梗係啦，物都唔畀做，悶死人，仲悶過返學．”

”好啦，既然點都要返學，快啲瞓．”

小孩子心無羈絆，一二三說睡就睡．黑暗中，聽着他們均勻的鼻息，我慢慢坐起來，下了牀．