對話

幫小hou着衫，見佢口中唸唸有詞．聽清楚原來講緊”至愛”．

”至愛係咩嘢來嘅？”

”至愛即係至愛囉．”例牌，答同無答差唔多．

”咁你啲至愛係邊個？”想弄明白佢究竟知唔知自己講啲咩，換嗰方式問．

”你，”佢揚起手，指住我，”仲有爸bi”．

”嗯，你都係媽咪嘅至愛．”

過一陣，小hou又過來．

”咁點解你有時都惱我，又罵我？”

”因為你有時唔乖，又亂發脾氣．”

”咁你都無話比我聽，我係細路，唔知嘛．”笑口噬噬聲音細細咁講．

”啊？”（嗰一刻，我肯定瞪大雙眼）”媽咪日日教你咩嘢啱咩嘢唔啱，要有禮貌，要講道理，唔好同人打架，唔好成日發脾氣，要有口齒，應承佐嘅嘢就唔好再討價還價．．．”．

”係噃，－知嘅啦！”小hou突然用力點點頭，毫無異議咁款．

我當場停住，唔記得仲有咩下文，亦唔知應唔應該贊佢咁受教．