第一次

昨天放學回家，洗過手，小hou一臉神神秘秘的笑容，走到我面前，從褲袋裡掏出些東西，變戲法似的擹開手板－－原來是三顆藍色的膠珠子．

”好靚哦，邊個比你嘅？”

”喺學校度拿囉．”

”唔係老師比係你自己拿嘅？”大概我的語氣霎時透着嚴肅，他很快縮回手掌，攥實．”我唔比你睇，唔話比你聽．”話音甫落，竟自轉身入房．

跟着進去．

”如果人地無比你，自己中意就拿返屋企，係唔啱噃．”

小hou背過臉，彷若不聞．

講多幾句，見他一副雷打不動的模樣，祇好摞下一句”咁你自己捻下先，捻清楚先出來搵媽媽．我喺出邊陪家姐做功課”．

************

聽到一陣窸窸窣窣的聲音，隱約知道是小hou走來又走去，也沒抬頭．忽然，晴用手掩着嘴低聲說：”媽咪，我聽到啲聲音，話比我知細佬點捻．””啊？”我嚇了一跳，以為他們用的是什麽”隔腹傳音”．”嗱，佢啱啱行出來，應該係拿咗滕條去收埋．佢驚你打．”往擱”寶劍”的柜邊一望，果然．

半晌．

小hou又走出來，立在桌旁，望着我．

”你點解收埋滕條？媽媽想你話比我聽你點捻，明白咩吔啱咩吔唔啱，我唔會打你．”

”其實家姐以前都拿過小朋友啲發夾番屋企，媽媽話比番人，以後唔好咁做就得嘅啦．都唔駛打．”晴幫腔，我倒是沒預料她會這樣說．但原來，效果很好，打開了缺口．小hou的表情放松了很多，”你拿過邊個啲發夾啊？”把話題扯開？沒門．

打鐵趁熱，我趕緊接着問：”你喺唔喺係度玩，見好靚就帶番來，還是玩完唔小心擺番落褲袋？”

”我係唔小心嘅，”這台階下得忒快，見我望着他，又繼續，”我係好中意，好靚，不過係唔小心．”

到這地步，自然又講了些該講的道理，結案陳詞時，要他上學時交回老師，跟老師說一聲放回原地．

”你湊我番學嗰時幫我交比老師．”有些哭腔．應承了他．

************

臨睡前，把話再講一遍．他說：”知道啦．－－講一次夠了．”把我給哽得．