日常二則

晴晴每天上午都會看”多啦A夢”．
今天這一集她可能覺得很特別，拿了來跟我討論：”媽咪，今日多啦A夢有件好神奇嘅法寶，係把鉸剪．你知唔知有咩用？係用來剪影子！”
”喺－？”這個開頭有意思，我瞪大眼望著她，倒不完全是作狀，雖則對著他們很多時候是有誇張一些的反應．
”嗯，大雄爸爸要佢剪草，佢唔係咁願意，多啦A夢就用把鉸剪，幫佢剪咗影子出來，變成另外一個大雄幫佢做啲吔．但係，一定要係限定嘅時間內將影子粘返去，如果唔係就大件事．”
”有幾大件事啊？”聽古唔好駁古，但插科打諢是要的．
”咁影子就會代替咗大雄，而真嘅大雄就會變成影子嘅影子！”
”咁有咩分別啫？始終都係有個大雄，大雄又有個影子．一樣啫．”有時也要駁一駁．
果然，晴晴窒了窒，講了幾句邏輯混亂的話－其實是我聽不明白，是她的緩兵之計，一邊想答案一邊雜亂無章地搪塞，然後就有了：”唔得嘅，嗰個影子好衰嘅，專登整壞啲吔，又想做大雄，心地又唔好．好采多啦A夢有解，將影子粘返去，大雄先做得返大雄．”

真不能小看卡通片，短短一集，包含這麽多信息：法寶有限制；偷懶有後果；同一個人身上善惡並存，惡如影隨形，能記得這一點，惡既是一個陰影，也是一種警醒？或者祇是，影子祇能是影子，不好痴心妄想有朝一日能超脫成為實體？因為七歲小孩都有既定思維：影子是影子，大雄是大雄．

************
和晴晴小hou一起吃下午茶，一人要了一球雪糕．
一慣作風，喜歡的東西，小hou三下兩下很快吃完，晴晴一小口一小口地嚐．
過一會，小hou望著晴晴享受的樣子，忍不住說出口：”我又想食啊家姐．”
晴用匙刮了下杯邊，餵給他，他往後退了退，說：”咁少嘅．”
晴一臉不高興，兩個人僵在那．
禁不住說了句：”一個小氣，一個老馮．”
小hou並不知道何謂老馮，但批評的意思還是明白的，先發制人，指著晴晴說：”媽咪話你老馮．”
晴不甘示弱，回了句：”你先係老馮，我係小氣．”因為明白，顯得理直氣壯．我有些忍不住就笑了，晴晴見了，竟也不好意思訕笑了一下，加了些遞給小hou．